ધંધાર્થીએ સતત શીખતા રહેવું જરૂરી છે

દરેક સ્પોર્ટસમેન નિયમિત પ્રેક્ટીસ કરે છે. ડોક્ટરો અને ચાર્ટર્ડ એકાઉન્ટન્ટ્સે ફરજિયાત નિયમિતપણે નવું નવું શીખવું પડે છે. દરેક ગાયક નિયમિત રિયાઝ કરે છે. લગભગ દરેક પ્રોફેશનમાં ટ્રેનિંગનું મહત્ત્વ છે.

તો પછી ધંધામાં કેમ નહીં? એક કારણ એ છે, કે દરેક ધંધાનો માલિક પોતાની મરજીનો માલિક હોય છે, એક રાજા હોય છે. ધણીનો કોઇ ધણી ન હોય. રાજાની ઉપર કોઇ મોટો રાજા નથી હોતો. એટલે, રાજાને કંઇક નવું શીખવાની જરૂર ન સમજાય, ત્યાં સુધી સામ્રાજ્યે એ સીમિત સમજણના સીમાડાઓની અંદર કેદ રહેવાની મજબૂરી સહન કરવી પડે છે.

રાજાની સમજણની સજા સામ્રાજ્ય સહન કરતું હોય છે. થોડુંક શાંતિથી વિચારવું પડશે.